गीत

नियम कानुन भन्दापनि, जान सक्छौ धेरै पर ।
सिमा हुन्न बन्धन हुन्न, धोका हुन्छ कैले तर ।

प्रेम भन्ने यस्तै चिज हो, एक आपसमा विश्वास हुन्छ ।
जानिदैन के गरेर , दुइ मुटु एकै हुन्छ ।
भौतिक वस्तु नभएनी, बन्छ यौटा सुन्दर घर ।
नियम कानुन .......

यात्रा गर्दा मोडहरु, बदलिए जस्तै गरि ।
प्रेम भित्र स्वार्थ लुक्छ, डाडाँ परि घाम झै गरी ।
त्यती वेला सहयात्रा, हुन्न भन्ने हुन्छ डर ।
नियम कानुन .......

नियम कानुन भन्दापनि, जान सक्छौ धेरै पर ।
सिमा हुन्न बन्धन हुन्न, धोका हुन्छ कैले तर ।

गीत

मेरोमन जुठोपारी अर्कातिर लिपपोत गर्‍यौ ।
नजानिदों बाहाना गरी जानाजानी तिमी सर्‍यौ ।

दिनु थियो धोका किन विश्वासको कुरा राख्यौ,
दुइ चार दिन साथ दिई के का लागि मन चाख्यौ ।
जङ्घार सम्म संगै लग्यौ मलाई छाडी एक्लै तर्‍यौ ।
मेरो मन.................

धेरै विश्वास गरें मैले आफै बाट भएं टाढा,
गरिबीमा बाच्नेलाई त हुन्न रैछ प्रीत गाढा ।
मेरो झुप्रो खाली छाडी खै कस्को महल भर्‍यौ ।
मेरो मन.......................

मेरोमन जुठोपारी अर्कातिर लिपपोत गर्‍यौ ।
नजानिदों बाहाना गरी जानाजानी तिमी सर्‍यौ ।

गीत

तिमी हिड्ने गोरेटोमा एउटा काँढा हुनु हुन्न ।
तिमीलाई बर्षात्को पानीले नी छुनु हुन्न ।

अन्जान छु तिम्रो लागी म त अझै पनि ,
मन्मा चाँही मेरो बस्यौ जूनतारा बनि ,
अधुरो जिवन मेरो तिमी विना पुर्ण हुन्न ।
तिमी हिड्ने गोरेटोमा ...........

नवोले नी म संग त गुलाफ झैं मुस्कान तिम्रो,
हेर्दा हेर्दै दगं पार्ने सुन्दर मुहार तिम्रो ,
मेरो एउटा चाहना तिमी अरुको हुनुहुन्न ।
तिमी हिड्ने गोरेटोमा............

धेरै भेटे संसारमा तिमी जस्तो एउटै छैन ,
फूलसंगै दाँज्दा पनि कुनै फरक पाइदैन ,
एउटै मात्र विन्ती मेरो तिमी निर्दयी बन्नुहुन्न ।
तिमी हिड्ने गोरेटोमा.............